Կամո Սեյրանյան
Կամո Համլետի Սեյրանյան (փետրվարի 5, 1979, Չարենցավան, Հրազդանի շրջան, Հայկական ԽՍՀ, ԽՍՀՄ), հայ երաժիշտ, դուդուկահար, Հայաստանի վաստակավոր արտիստ։
Կրթություն
Նա 1985-93 թվականներին սովորել է Չարենցավանի թիվ 4 միջնակարգ դպրոցում։ 1994-97 թվականներին սովորել է Առնո Բաբաջանյանի անվան պետական երաժշտամանկավարժական քոլեջում, իսկ 1997-2002 թվականներին՝ Երևանի Կոմիտասի անվան պետական կոնսերվատորիայում: 2006 թվականին ավարտել է նաև կոնսերվատորիայի ասպիրանտուրան:
Աշխատանքային գործունեություն
2003 թվականից Կամո Սեյրանյանը դուդուկ է դասավանդում Երևանի կոնսերվատորիայի ժողովրդական գործիքների ամբիոնում:
Համերգային ծրագրերով հանդես է եկել բազմաթիվ երկրներում։ 2012 թվականին արժանացել է Հայաստանի վաստակավոր արտիստի կոչման:
Կամո Սեյրանյանը 2 անգամ արժանացել «Ծիծեռնակ» մրցանակի ժողովրդական անվանակարգում. մեկը լավագույն երաժիշտ/կատարողի համար (2017), իսկ մյուսը՝ լավագույն երաժշտական նախագծի համար (Դուդուկի մեծարման երեկո, 2018)։