Երևանի Ա. Բաբաջանյանի անվան պետական երաժշտամանկավարժական քոլեջում կայացավ համերգ-ներկայացում որի բովանդակության արմատները շատ խորն էին, ինչպես Կոմիտասն է իր երգերում ու տաղերում:
Երգի թևով ճախրեցինք հայ ժողովրդական ավանդույթների աշխարհ: Քոլեջի ուսանողները լսելի դարձրեցին աղբյուրների կարկաչը, սարերի հովը, սիրո երգով յար գովեցին, Կոմիտասի օրորով մանուկ քնեցրեցին, հարսանեկան երգ ու խաղով հայկական ավանդական հարսանիք ներկայացրեցին:
Եվ վերջապես եկեղեցու զանգ հիշեցնող հոգևոր տաղերով ներկաներիս աղոթք մրմնջացին:
Համերգը՝ միտք և միասնություն փոխանցեց հանդիսատեսին, ծանոթացնելով մեր հայկական ավանդական ծեսերին:
Շնորհակալ ենք համերգի կազմակերպիչ Քրիստինե Հովհաննիսյանին միջոցառումը բարձր մակարդակով կազմակերպելու համար:
Շնորհավորում ենք երգեցողության բաժնի և խմբավարության բաժնի բոլոր մասնակից ուսանողներին իրենց մասնակցության համար:
20․12․2024
24.12.2024թ Երևանի Առնո Բաբաջանյանի անվան պետական երաժշտամանկավարժական քոլեջի ուսանողները մասնակցեցին Եղեգնաձոր քաղաքում Դասական երաժշտության վայոցձորյան փառատոնին, հնչեցնելով արևմտաեվրոպական, ռուս և հայկական լավագույն ստեղծագործությունները։ Դասախոսը և երեխաները Մարզպետ Կ.Միքայելյանի կողմից պարգևատրվեցին շնորհակալագրերով ,դասական երաժշտությունը տարածելու համար։
Դասախոս`Օֆելյա Համբարձումյան
Նվագակցող`Մարինե Հունանյան։
24․12․2024
Դեկտեմբերի 23-ին Երևանի Ա. Բաբաջանյանի անվան պետական երաժշտամանկավարժական քոլեջում անցկացվեց Օֆելյա Համբարձումյանի դասարանական համերգը՝ նվիրված Մեծն Կոմիտաս Վարդապետի 155-ամյակին։ Կոմիտասը ոչ միայն հայ երաժշտության, այլև ազգային ինքնության կենդանի խորհրդանիշ է՝ սկիզբ, որն ունի հավերժ շարունակություն։
Շնորհավորում ենք ուսանողներին և նրանց դասախոսին՝ բեմում Կոմիտասի ոգին վերակենդանացնելու և նրա ստեղծագործությունները նոր շունչով ներկայացնելու համար։
Նվագակցող՝ Մարինե Հունանյան
23․12․2024
Կոմպոզիտոր Ավետ Բերբերյանի այցը
Կոմպոզիտոր Ավետ Բերբերյանի այցը Ա. Բաբաջանյանի անվան պետական երաժշտամանկավարժական քոլեջ նշանակալի իրադարձություն էր մեր կրթօջախի համար։ Հանդիպումն անցավ ջերմ և ստեղծագործական մթնոլորտում, որտեղ ծնվեցին նոր գաղափարներ ու համագործակցության հեռանկարներ։ Վստահ ենք, որ այս սկսված համագործակցությունը պսակվելու է մեծ հաջողություններով, և ամենագեղեցիկը դեռ առջևում է։
13․12․2024
Շնորհավորում ենք
Սամվել Մկրտչյանին՝ Երևանի Ա. Բաբաջանյանի անվան պետական երաժշտամանկավարժական քոլեջի երգեցողության ամբիոնի 2-րդ կուրսի ուսանողին, և դասախոս՝ Լիլիթ Գրիգորյանին
Երգարվեստի «Մեղեդի» մրցույթ-փառատոնին մասնակցելու և Առաջին դափնեկիր դառնալու կապակցությամբ։
Մաղթում ենք նոր հաջողություններ, որ շարունակաբար զարգացնեն իր երաժշտական ճանապարհը։
24.12.2024
Դեկտեմբերի 12-ին Երևանի Ա. Բաբաջանյանի անվան պետական երաժշտամանկավարժական քոլեջում արվեստի պատմության ուսուցչուհի Անի Պետրոսյանի և 3-րդ կուրսի ուսանողների մասնակցությամբ տեղի ունեցավ միջոցառում` նվիրված հայ մեծանուն ռեժիսոր Սերգեյ Փարաջանովին
Միջոցառման ընթացքում ուսանողները ոչ միայն ներկայացրեցին Փարաջանովի կենսագրությունը, այլ նաև իր զարմանահրաշ արվեստը, պատմություններ Փարաջանովի կյանքից։ Միջոցառման ընթացքում խոսվեց նաև <<Նռան գույնը>> ֆիլմի մասին, միասին վերլուծեցին և դիտեցին ֆիլմից հատվածներ
Միջոցառումը հիանալի հնարավորություն էր ևս մեկ անգամ վերհիշելու և ճանաչելու հայ մեծանուն ռեժիսոր Սերգեյ Փարաջանովին և իր անկրկնելի արվետը։
12.12.2024
Նունե Մելիք "Arno Bababjanyan" գրքի գրքարշավ
Բաբաջանյանցիները ջերմությամբ ընդունեցին Ա. Բաբաջանյանի մասին պատմող (անգլերեն լեզվով) գրքի հեղինակին՝ Նունե Մելիքին։ Հանդիպումն անցավ բարեկամական ու ջերմ մթնոլորտում։ Միջոցառման ընթացքում Նունե Մելիքը գրքի օրինակ նվիրեց քոլեջին՝ ընդգծելով մշակութային արժեքների տարածման և սերունդներին փոխանցման կարևորությունը։
06․12․2024
Դեկտեմբերի 7-ին Երևանի Ա.Բաբաջանյանի անվան պետական երաժշտամանկավարժական քոլեջի 3-րդ կուրսի ուսանողները Անի Պետրոսյանի նախաձեռնությամբ այցելեցին Ս. Փարաջանովի թանգարան:
Այցելության ընթացքում ևս մեկ անգամ ծանոթացան Փարաջանովի գործերին՝ ավելի խորը և նորովի հասկանալով արվեստագետին:
Այս անգամ թանգարան այցելելու նպատակը նաև «Սերգեյ Փարաջանով-100» խորագրով միջոցառում, բաց դաս- քննարկումն էր, որը տեղի է ունենալու դեկտեմբերի 12-ին «Բաբաջանյան և ընկերներ» դահլիճում, ժամը 13։30-ին։
Դասախոս՝ Անի Պետրոսյան
10.12.2024
Նոյեմբերի 15-ին Հայաստանի Ազգային պատկերասրահի գեղանկարի բաժնի վարիչ՝ Հայկուհի Սահակյանի հրավերով Երևանի Ա. Բաբաջանյանի անվան պետական երաժշտամանկավարժական քոլեջի դասախոս՝ Նարինե Մխիթարյանի 3-րդ կուրսի ուսանողները «Ռոմանտիզմը արվեստում» խորագրով իրենց դասն անցկացրեցին Ազգային պատկերասրահի Հովհաննես Այվազովսկու սրահում։
03.12.2024